لـيه الالم – ياخوك – بـالقلـب شبّاب * * * والـحـزن بـعـروق الـضـماير يـتـلّـه
كـلـه عـشـان (…) و (…) و (…) * * * والـلّـه مـاتـسـوى عــلىّ الـمـذلـّة
ياخوك، لا تـْكَثـّر ترى القلـب منصاب * * * ضيـّعـت، مـا عـاد لي طـريـقٍ أدلــّه
هَـمٍ بقلبـي صـار له الـدمع غـلاّب * * * أمْـرٍ (إ)معـنـيـني (إ)بدقّــه وجِـلـّه
طعنتني بـسيـوف هـرجك والحـراب * * * وتقول: (سِـرّي في ضـمـيري مـحـلّه ؟!)
هو بيننا أسرار ياعَــرْب الانسـاب؟!! * * * كله تـبي تـِرْضي نـفوسٍ (إ)مـغـلـّه ؟!
جاني الالم من باب، وصكيـت الابـواب * * * والـدمـع خـذت أيـام وعيـني تـهـلـه
لاتضـيّع الاوقات!! ماعـاد لي عـتاب * * * أنـا الحـزن أهـواه ، وبـالحـيـل أدلـّه
واذا المشاكل جـت من عند الاصـحاب * * * فـ حـنـا – بعون الله – نـقـدر نـْحـلّه
ماهمني لو قـالوا الـ (عذب) منصاب * * * ما هـمني – والله – قلـوبٍ (إ)مـغـلّه
وان هبّ لي من داعي الحــب هـبّاب * * * ماني مقـصر ، ولو عـلى الـقلـب مَـلّه
والله لانـصاهـم بعـيـديـن وقـراب * * * مانيـب حَــذْرٍ ، والـعـدو فـاطـنٍ لـه
واللي يبي يحكي، وبـيـقـول (لـعّاب) * * * خـلّـه يقـول اللي يـبي يـقـول كـلـه
خَـلّـه يقول (الترف عن اللعب ما تاب) * * * خلّه يـقـول (الـتـرف والله مـولّــه)
بـالـحب ماعندي أنا سـتـر وحجـاب * * * العـشـق صـاب (رويحتي) واستـحلّه
بقول: أهلاً، هلا ، ترى منك الحشـا ذاب * * * ومشـاعـري – بالعون – لك مسـتـذّله
إذا تبيني فـ انـا لـك رمـش الاهـداب * * * واذا نويت تـشـيل ،، رح !! فـمـان الله
