أقلّي عليّ اللّوم

حصل سوء فهم بين “ابن الورد” و “صبا” فكتبت هذه القصيدة للاعتذار منه:

مشكور يللي له من الذوق عنـوان * * * واسـف على ظـنٍ حوتـه القصايـد
من جد يابن الورد اسـف وغلطان * * * ماقصدنـا ياخـوك نحرجـك “وايد”
من قال انا اعرفك فهو حيل غلطان * * * كلـه هقـاوي والهقـاوي بعـايـد
هذا ولو انك على الصـدر نيشـان * * * منتب رخيـص ومنزلـك فوق نايد
انا بغيت الـراي في بعض الاوزان * * * لاشـك اسـلوبي حصل فيه كايـد
و الا “التقى” ياخوك بالقلب ينصان * * * وان قالـه الله مالنـا عنـه حـايـد
اركانه الخمسـه لها عندنـا شـان * * * وحنـا بهـا الدنيـا ترانـا زهايـد
خوفي من الله، مسكنه مب صيوان * * * ولاهـوب هـرجٍ فيه ناقصـ و زايد
مانيب انا باقي على مر الازمـان * * * صيـور انـا افنى، ولا شـك بـايـد
الله يوقـّـظني اذا كنـت غفـلان * * * وعساي عن درب الهدى ماأكون حايد
اهدي لك الاشعار ابي عذري يبان * * * غلطـان انا في قول ذيك القصـايـد
وارجي كريم في السما عالي الشان * * * ايامك اللي سـود تقلـب سـعـايـد