عصر الحريم

أضحك على نفسي وأقول ..
ومثلي كثير :
( عصر الحريم ..هو عصر هارون الرشيد..
عصر الجواري والملاح..
شهرزاد..وشهريار..
وهلـّت تباشير الصباح ..
والديك صاح ..
وكفت الحلوة عن الحكي..
كل الحكي ،، حتى المباح..)

**********************

شوهوا تاريخنا ..
ارسموا اجدادنا ..
تجار في سوق الحريم ..
تأسرهم النظرات من طرفٍ سقيم ،،
تقتلهم البسمات بشفاهنا الحلوات ،،
اللي بها من حمرة الجمرة غريم ،،
هم مادروا عن جدي وجدك ،،
عاشوا صحيح عصر الحريم ،،
لكنهم ارجال ..
حريمهم من حولهم،،
كله حلالٍ × حلال
حتى تـَـمـَلـّكهم جميع ،،
كان في تقوى وصلاح..
هذي لهم زوجة ..
وهذيك مملوكة..
هذي سواليف وحنين ..
هذي سمر ليلٍ طويل..
هذي عقل ..
هذي ثقل ..
وهذيك مرجوجة ..
وهذي تغـلـّى حيل ..
هذي عصور أول ..
خلونا نحفظها ..
ونقول :هي عصر الحريم ،،
وين انت ياعصر الحريم ؟؟
وين أنت ياعصر الكرامة للحريم؟؟!!

**********************

ودقت طبول ..
وأشرق صباح..
قالوا تحضرنا ..
وابشري ياكل انثى ..انعتاقك من قيودك لاح ..
الان ((((عــصـر الانــفـتـاح ))))
عصر المرة وحدة ،،
الله كم يحلى ،،
لاضراير ..لاجراح ..
مابه سوى رجـــّال ..
يكون لك وحدك

**********************

وعشت عصر الانفتاح
صح الرجل واحد ..
وله زوجةٍ وحدة ..
لكن معاها بالخفا 2000 مملوكة..
هذي يبعدّها ..
هذيك يدنيها ..وبلا ثمن يبيع ويشتري فيها ..
والا تحصــّل غايته ،،
قال : (اسمعوا ..
بعض الحريم اليوم ماتسوى ريال )
ويعـــوّد لمبداه ..
هذي يناجيها ..
هذي يخاويها ..
وهذي معاصي اكبار ، مايجمعه فيها
كله حرامٍ × حرام
كله ضياعٍ × ضياع
كله سعير ..
كله خسار ..
وين انت ياعصر الحريم ؟؟!!
وين انت ياعصر الكرامة للحريم؟؟!!

**********************

اسمعني ،،واسمع زين ،،
مهما الزمن يحلى ..
ترى الزمن غدار ..
تنساه لكن يكتبه ..ملائكة حــضــّار..
ملائكة عن اليمين ..
ملائكة عن اليسار ..
إما يعجـّل لك عذاب ..
او يدّخر يوم الحساب ..
يوم ماتلقى عذر ..
ولايفيدك اعتذار ..

**********************

انجو بنفسك يالفطين ..
قل (ما أبي عصر الحريم )
ارفض صياعة وانحدار ..
واللي تبيه ،،
دامك تخاف الواحد القهار ..
بيصير في دار القرار
لايضيــّعوك في وهمهم ..
في درب اسمه ( الانــفــتــاح)