خلي ، وانا حرة ، واحب اللي ابي
ما على قلبي سلاسل او قيود
ايه احبه ، وانتخيه ، وارتجي
وقتي الجاير بوصله لو يجود
لو أشوف الموت ماعنه انزوي
شرعي انا بالحب : عشق بلا حدود
ليه تبغاني أطفي موقدي
انت لي جمرة .. تدفي ها البرود
لو تكون سهيل ،، او حتى الجدي
ارتجي نورك يضوّي هالنجود
انت عزي ،، انت مجدي يابعدي
تزهر فياض الغلا باحلى ورورد
بيني وما بينك غرام ٍ سرمدي
ما اسمع حكي عاذل ،، ولا راي الحسود
صرت اخيلك في منامي ومرقدي
شف خيالك ،، مايبي عني صدود
ليه ملكت القلب ؟ لانك أجودي
كيف انا ابعد عنك ، لاصرت الوجود