نجد

لا مايزين الشعـر، ونظـم القوافي *** إلا اذا اطريـت نـجـدٍ واهلـهـا

له تطـرب الابيـات، ويحـن قافي *** ونفسي بذكرى نجـد يبعـد مللهـا

يا أعذب أرض الله، ترى الخل وافي *** ما تستمـع روحـي لمنهو عذلهـا

نعرف ترى المعنى ، ونقرا الخوافي *** ونقـدّر العربـان، وندمـح زللهـا

بحورنا الطِـيـْـبة، ونجد الضفافي *** يلبس لباس المجـد كل من دخلهـا

ياديرتي يكفي !! غرامـك تـلافـي *** بازهب الابيـات، واطلـق رسلهـا

هيضتي الخفـاق وبـانـت خوافي *** يالعنبو قـــلــبٍ يدور بدلـهـا

لو أوهبك عمـري فلاهوب كافـي *** ياأرضنـا ،، ياللي كثيـرٍ فضلـهـا

انتي مطـر عمـري بوقت الجفافي *** لا ياخزامى الـروح، أو هو نفلهـا

نجـدٍ!! ديار العـز ماهـوب خافي *** شيوخ العرب منها ، هني من نزلها