جابك غيابي ؟! يابعد كل الاقراب
جابك مرض ؟! ياليتني منه ما اشفى
وشلون ابتعب ، وانت لي كل الاحباب
يكفي – حياتي- صار لك القلب ملفى
جرح الجسد ماعاق ، وابشرك طاب
يشفيني طيبك : زاد والله ووفى
يزول باسي ؟! ايه مادامنا اقـراب
لاتبتعد دنياك ، ارجوك ! تكفى !
ترى الغلا لي زاد للعقل نهاب
يهتز له قلبٍ ، وتسبقه رجفه
انا دخيلك ، والرجا فيك ماخاب
انثر قصيدك ، خلني منه ادفى
واذا قصيدك عزّ مناب طلاب
ترى وجود الاسم كفى ووفى