أخوي العابر ،،
تذكر أن كل شيء يبدأ صغيراً ثم يكبر ، إلا المصيبة فإنها تبدأ كبيرة ثم تصغر .. (( اسأل مجرب ))
بالأصالة عن نفسي .. وبالنيابة عن كل محبيك ..أتقدم لك وللوالدة الكريمة وأفراد أسرتكم بالعزاء في فقيدكم ..و:
علمٍ لفانـا ليت منـّـه يقينـا * * * علـمٍ كسـرنا، ليتنـا مـادرينـا
مفارق الاحباب لاشـك بلـوى * * * لكن على الشـدات ربـك عوينـا
أخوي يالعابر تصبّـر، ترى ذا * * * درب عليـه كل العـرب سايرينـا
لابد مانمشيـه في يـوم حنـا * * * غصـبٍ علينا ان بغينا أو مابغينا
دنيـا كفى الله شـرها وهقتنـا * * * والله من يـومٍ بهـا قـد بكينـا
اليوم حنا جـَـمعتن مع بعضنا * * * وهل الركايب باكر(ن) ضاعنينـا
هم سبقونـا بالمـوادع وحنـا * * * لاشـك إنـا للعـرب لاحقيـنـا
لكن عسانا نجتمـع في جنانـه * * * أن حصلت، فـ نّـا ترى غانمينا
يارب ترحـم عبـدك اللي توفى * * * وتصبر اللي للهواجـس رهينـا
ويالله عسى مثواه دار الكرامـة * * * جنات عدنٍ به جميع الصالحينـا
اصبر فديتك!! دارنا ذي مصايب * * * وترى السعيد اللي صبر له سنينا