وش حيلتي وعشقي يزيد *** وزلزلني زلزلة الجبـال
خلاني أخضـع له أكيـد *** وسهرني وجدي له ليال
والله لو أبقى وحيـــد *** ويزورني بـس الخيـال
يكفي!! ولو قلبي عنيـد *** لكن خضـع له ثم مـال
الله على قلبـي شهيـد *** وله الغـلا في كل حـال
غير الحكي وغير البريد *** مـا بيننـا والله وصـال
ليت الامر والله بالايـد *** ماكنـت حبيـت المحـال
لو كان قلبي من جليـد *** صمـودي قدامه محـال
مانيب في خلي زهيـد *** هـو حبيـبـي ولايـزال
باسمـه اردد ثم أعيـد *** إعـداد حبـات الرمـال
الله يحفظه ها (البعيـد) *** حبي له فوق الاحـمتال
