اشبع غرورك ، قـول: ( عـذبـة تبيني *** يامن يطُـول الـعـذبـة اللي لها طِـلـت
قل : ( اسمعوا ، إقـلـيـبـها مهتويني *** وقامت تلاحـقـني ، وانـا لـها أدمـنـت
ماكنت أبيها ، بس يوم انـشـبـت فيني *** وغزت ربوعي ، قلت : باجامل البــنـت)
مـعـقـول يـاالـنـصّـاب أنتَ ظنيني *** وش فيك أحبك يالخبـل ؟! لا . لا. مو أنت
فيـه واحـدٍ غيـرك حـيـاتي وعيـني *** مـِـن شـان ذا كله أنـا لـه تطامنــت
يـامـر على كـيـفه ، فـديتـه سنيني *** ويـثـقـل عليّ مرّات ، ويازين ما اخترت
لا لاتَـعَـود قـولـتـك !! ماهوب زيني *** يـوصـل حـبيب القلب إني أنـا خـنـت
